Willkommen » Berichte » Allgemein » Arbeitseinsatz in Luchsingen GL 2020 – Versli zum Abschied

Arbeitseinsatz in Luchsingen GL 2020 – Versli zum Abschied

veröffentlicht in: Allgemein, Senioren

Versli zum Abschied

Liebi Familie Figi, liebi Manne
chum zum glaube
Am Mäntig simer chome
und scho isch d’Woche ume

De Rolf und Ich händ scho echli e flaue Mage
ob mir echt die anspruchsvolli Woche tüend vertrage

De Walter und Ruth tüend eus instruiere,
dass alli ihri Arbeit kapiere
D’Ruth kletteret Leitere uf mit em Fredi uf em Arm
Sie isch natürlich euser aller Schwarm

Mit Begeisterig packe alli a
E jedem hets jetzt dämmeret
w’wird gmesse, gsagt und ghämmeret

Ned nume s’Wetter wird besser, vo Tag zu Tag
Au eusi Leistig git kei Alass zur Klag
Kuchi-Mannschaft lauft zur Höchstform uf
sie sorgt für euse nötig Schnuf

Jetzt isch scho Friitig
Muskelkater, alli Knoche giire
mir tüend zäme de Abschied fiire

Für d’Familie Figi got’s natürlich wiiter
vielleicht chöme nach eus dere die sind no gschiiter

Mir wünsche Euch viel Glück im Hus und Stall
vergesse tüend mir euchi Familie uf kei Fall

Weisswand, 7.8.20 / Fritz